打開你的眼界

大家好，歡迎嚟到 OPTour 海外頭條！隨住暑假殺到，相信唔少港人都準備飛去歐洲旅行，或者探望移居當地嘅親友。不過，今年計劃去歐洲嘅朋友要高度戒備啦！歐洲喺 2026 年 5 月底至 6 月經歷咗史無前例嘅極端熱浪，多國氣溫屢破紀錄。如果你或者你嘅家人正身處英國、法國、德國等地，呢篇「歐洲熱浪懶人包」你一定要睇！ 歐洲廣泛地區受極端熱浪侵襲. Source: Alones Creative / Getty Images 1. 點解今年歐洲咁熱？「熱穹頂」發威🔥 今年歐洲提早入夏，5 月底已經迎來強烈熱浪。歐洲氣象機構指出，今年 6 月係西歐有史以嚟最熱嘅 6 月。成因主要係受到「熱穹頂」（Heat Dome）效應影響——一個巨大且持久嘅高氣壓系統，將來自北非嘅熾熱空氣困喺西歐同中歐上空，令氣溫喺幾日之內由低於平均水平，直線飆升到極端高溫。 2. 歐洲熱浪多國氣溫破頂：熱到溶！🫠 今次熱浪唔係微升零點幾度，而係以驚人嘅幅度打破歷史紀錄： 英國 🇬🇧：對於移英港人嚟講，今次熱浪絕對係一大考驗。英國南部曾錄得 37.7°C...