打開你的眼界

每年一度嘅體育盛事「新鴻基地產香港單車節」喺啱啱嘅星期日（2026年10月11日）完滿結束。今年賽事首次將起點同終點移師去西九文化區，吸引咗超過6,000名車手參加。本來以為有新路線會有新體驗，點知今屆竟然發生連環「蝦碌」事件，仲俾網民戲稱為「推車節」，究竟發生咗咩事？等Optour同大家重溫一下呢個全城熱話啦！ 2026年香港單車節. Source: Keith Tsuji / Getty Images 🛑 蝦碌一：領航車帶錯路，32公里變23公里？ 今屆單車節其中一個最大爭議，就係「32公里組」嘅路線無端端被縮短！按照原定路線，32公里組嘅車手係需要踩上汀九橋嘅，但好多參賽者踩完之後睇返個單車里程錶，發現竟然得大約23公里！ 原來一切都係一場誤會惹的禍。據中國香港單車總會解釋，當朝早7點幾「56公里組」賽事進行期間，有兩名參賽者喺前往汀九橋路段發生意外。為咗讓救護車盡快駛入，工作人員臨時移動咗南灣隧道入口嘅雪糕筒。點知去到「32公里組」出發時，大會嘅領航車因為見到雪糕筒位置轉咗，竟然誤判路線已經改動，結果冇帶領車手轉入汀九橋，反而直行