打開你的眼界

近年香港掀起「北上消費」熱潮，唔少人每逢Weekend就上深圳山姆、食探魚。留港消費嘅人越來越少，到底係因為深圳性價比太高，定係香港餐廳自己「趕客」？最近喺連登同Threads等討論區，就有一張「香港Cafe潛規則」嘅帖文瘋傳，引發極大共鳴！ 好多網民呻，明明放假想去間靚靚小店嘆杯啡、打個卡，點知入到去規矩多過入廟，仲要受氣。Optour 為大家盤點網民票選嘅 香港Cafe「5大最難頂潛規則」，睇吓你又中過幾多個伏？ 香港靚Cafe越開越多，但規矩亦隨之倍增。. Source: South China Morning Post 1. 奪命催魂限時：入座起計60分鐘（甚至45分鐘！） 而家出街食飯有限時已經見怪不怪，但有啲Cafe嘅限時簡直係挑戰人類進食極限！網民最嬲嘅係，餐廳規定「入座起計限時60分鐘」，但等杯拉花咖啡同All Day Breakfast上枱已經用咗半個鐘。 「嘢食一到就要狼吞虎嚥，隔離枱個女仔件Cake食得兩啖，店員已經行埋嚟話：『唔好意思出面有人等緊』，真係食到胃痛！」 2. 騎呢「最低消費」：嗌咗幾百蚊嘢食，都一定要嗌杯嘢飲