打開你的眼界

唔少香港人移居英國，落地第一時間都係諗「買磚頭」自住(英國買樓)。特別係為咗小朋友讀書，好多家長都會首選倫敦（London）、薩里（Surrey）或者雷丁（Reading）呢啲名校網區。 不過現實好骨感：呢啲「靚區」嘅家庭屋（Family Home）閒閒地都要 £600,000（約 600萬港紙）起跳。如果將手頭資金全數炮製落去買自住樓，成副身家即刻被「責死」，而且自住樓係唔會為你產生任何現金流（Cash Flow）嘅。 如果你手頭資金有限，想住頂級校網區，同時又想資產增值，近年喺英國同澳洲極度流行嘅投資概念——「Rentvesting」（租房投資法），絕對係你2026年必須認識嘅新財富策略！ 拆解 Rentvesting：乜嘢係「租屋投資」？(英國買樓) Rentvesting 其實由「Rent」（租屋）同「Investing」（投資）兩個字結合而成。核心理念非常簡單： 喺你想住嘅理想地區（通常係樓價貴、回報低嘅靚區）租屋住；然後將手頭上嘅資金，買入樓價較親民、租金回報高嘅潛力地區收租。 簡單講，就係「用別人交畀你嘅租，去交你自己嘅租」。 點解