打開你的眼界

上次就同大家做咗個全方位Guide，今次Optour同你直擊今屆ACGHK 2026嘅真實賽況同網絡熱話！趁今日最後一日，即睇有咩尾水好執！ 早幾日Optour就出咗篇《ACGHK 2026 全攻略》幫大家做足功課。但係紙上談兵同落場實戰始終有距離！ 今年動漫節（7月24至28日）已經去到最後一日（閉館時間提早到夜晚8點㗎，留意返！），網上討論區已經戰況激烈。今次就由小編同大家整合今年嘅「4大熱門話題」，兼醒你尾日執平貨嘅避坑指南！ 話題 1：分流新招？$30「Hall 3 專飛」係德政定係割韭菜？ 今年大會搞搞新意思，首度橫跨會展 Hall 1, 3, 5，仲推出咗 $30 嘅「Hall 3 專飛」（由3C通道入），標榜專門俾去同人區 (Creative Paradise)、CosParadise 兼全新主題區「ComixPop」嘅入場人士。 網上評價兩極：有淨係想影 Coser 同買同人本嘅巴絲大讚「平靚正，終於唔使同買玩具大廠嘅人逼」；但亦有大量新手買錯飛，去到先發現入唔到 Hall 1 買Figure，喺網上大呼中伏！ 如果今

香港嘅夏天熱到抽筋，但灣仔會展呢幾日嘅氣氛絕對係熱上加熱！萬眾期待嘅第27屆香港動漫電玩節（ACGHK 2026）已經喺今日（7月24日）正式開鑼，一直High到7月28日。無論你係資深動漫迷、Art Toy收藏家，定係純粹想去感受吓全城最Hit嘅熱鬧氣氛，今年擴展到三個Hall（Hall 1、3、5）嘅動漫節絕對唔會令你失望。 想知今年有咩必睇重點？即刻為你送上精華懶人包！ ACGHK 2026 喺灣仔會展。資料來源：Time Out 1. Dig Dig Island 發掘島：玩具收藏家嘅天堂 今年全新登場嘅「Dig Dig Island 發掘島」絕對係一大亮點。如果你屋企個玻璃櫃擺滿晒設計師Figure同盲盒，呢度肯定會令你大出血。呢個專區齊集咗海量潮流Art Toy、資深收藏家嘅復古懷舊珍藏，仲有好多出面搵唔到嘅會場限定版設計師玩具，包你尋寶尋到唔捨得走。 探索 ElefunPop 潮玩藝術玩具展。資料來源：南華早報 / 南華早報經由 Getty Images 2. ComixPop 港漫武林大會 ＆ 全球同人祭 本地創作力量不容忽視！升