打開你的眼界

去日本旅行，想去遠少少嘅郊區，或者帶住一家大細同行，自駕遊絕對係最舒服自由嘅選擇！唔使夾火車時間，又唔使搬住行李行上行落。不過對於第一次去日本自駕遊嘅新手嚟講，租車手續、保險點買、咩係 ETC 卡，甚至日本獨有嘅交通規則，可能都會覺得一頭霧水。今次 Optour 為大家整合咗一份超級詳盡嘅「日本自駕遊新手必讀指南」，幫你出發前做好準備，安心享受自駕樂趣！ 駕遊可以輕鬆去到富士山等風景壯麗嘅近郊地區. Source: Salt in our Hair 1. 租車必備文件：帶漏一樣都上唔到車！ 要喺日本合法揸車，出發前一定要準備好以下文件。少一樣，租車公司都會無情拒絕交車畀你： 香港駕駛執照（正本）：唔好以為有國際車牌就夠，好多租車公司都會要求睇埋你原本嘅香港車牌。 國際駕駛許可證（國際車牌）：去運輸署申請，費用為港幣 $80。記住要帶埋近照，申請完即日有得攞。日本只承認「1949年日內瓦公約」嘅國際車牌，香港發出嘅絕對冇問題。 護照（Passport）：證明你嘅遊客身份。 信用卡：租車公司通常要求用主駕駛者名下嘅信用卡畀錢或做擔保，盡量避免用現金。

去東京旅行，東京迪士尼海洋（Tokyo DisneySea）嘅新園區「Fantasy Springs 夢幻泉鄉」絕對係必去嘅 Dream Destination！園區完美還原咗《魔雪奇緣》（Frozen）、《魔髮奇緣》（Tangled）同《小飛俠》（Peter Pan）嘅童話世界，一開幕就爆紅。 不過，好多想去嘅朋友一見到官方推介嘅「酒店連門票套票」要幾千甚至上萬港幣，就望而卻步。其實，只要識得善用迪士尼官方 App，用普通門票一樣可以免費或者低成本入去玩盡三大主題區！今次就同大家拆解最完美嘅一日進場「搶 Pass」神級流程，咪話我唔醒你！ 完美還原《魔髮奇緣》場景的高塔. Source: Roberto Machado Noa / LightRocket via Getty Image 【東京DisneySea攻略】核心關鍵：入園必搶嘅兩種「通行證」 首先你要知道，普通門票係無辦法直接行入去 Fantasy Springs 嘅。你必須喺入閘之後，即時喺官方 App 入面搶到以下其中一種 Pass，先會獲得一個指定嘅「進場時間」： 預約等候卡 (