打開你的眼界

喺香港，物理治療 (Physiotherapy, 簡稱 PT) 一直被視為「神科」之一。起薪點高、職業前景穩定，令到本地大學嘅 PT 課程年年「爭崩頭」，收生分數極高。對於想投身醫療行業，但 DSE 預計未必能穩入本地神科嘅同學嚟講，去英國讀物理治療絕對係一條非常值得考慮嘅出路。 不過，去英國讀 PT 唔係求其報名就入到，由揀科、寫 Personal Statement 到預備回港執業，每一步都要精心部署。今日 Optour 就同大家拆解英國 PT 升學嘅核心細節！ 1. 入學門檻：DSE 分數同 IELTS 要求有幾高？ 英國大學嘅物理治療學士課程（BSc Physiotherapy）通常為期三年。比起香港，英國嘅選擇多好多，收生門檻亦相對有彈性，但對理科底子同英文能力有絕對要求。 DSE 成績要求：一般要求三科選修科達到 444 至 555 不等（視乎大學排名）。 必修科目：絕大部份院校都硬性規定必須修讀生物 (Biology)，部分院校亦接受體育 (PE)、物理 (Physics) 或化學 (Chemistry) 作為相關科學科目。如果冇修