打開你的眼界

講起海外投資，好多 Optour 嘅讀者第一時間都會諗起買樓收租。不過，如果你暫時唔想打理海外物業，或者想喺資產配置上分散一下風險，其實海外市場仲有好多「穩陣」嘅被動收入選擇！ 今日我哋唔講地產，專注講下近年極受香港投資者歡迎，而且防守力極高嘅單一投資板塊——美國國債（簡稱美債）。 點解要買美債？ 美債顧名思義，即係借錢畀美國政府。由於有全球最大經濟體嘅國家信用做擔保，美債被公認為全球最安全、違約風險最低嘅投資產品之一。相比起買樓要搞按揭、搵租客、做維修，買美債就簡單直接得多，純粹「用錢搵錢」，定時定候賺取利息回報（Yield）。 投資美債的三大優勢 入場門檻極低： 買層海外樓動輒要準備幾十萬甚至過百萬首期，但買美債或者相關債券 ETF，幾千蚊港紙已經可以起步，非常適合想小試牛刀或者逐少累積資本嘅朋友。 流動性極高： 磚頭套現需要時間，由放盤、傾價到成交隨時搞足幾個月。但美債喺二手市場交投極活躍，想套現只需喺網上證券行撳個掣，資金一兩日就已經可以返到戶口。 免除繁瑣管理： 唔使驚遇上「租霸」，唔使交海外物業稅（非美國居民投資美債通常免收利息稅），