打開你的眼界

近排日圓匯率持續低水，唔少香港人都心思思想「鄉下」置業，特別係東京、大阪嘅「中古樓」（即係二手樓 / 舊樓）。打開啲地產網睇，幾十萬港紙就買到一間市區單身公寓（One-room），表面睇租金回報分分鐘高達 6% - 8%，真係好吸引！ 不過，買日本樓絕對唔可以淨係睇「表面回報率」（表面利回り）。喺決定扑槌之前，OPTOUR (海外物業考察團) 帶你深入拆解買日本中古樓必知嘅 4 大隱藏雜費，特別係最容易令新手大失預算嘅「修繕積立金」，教你點樣計出真正嘅落袋回報！ 1. 殺傷力最大：深不見底嘅「修繕積立金」（大維修基金） 喺香港，大廈要維修通常係夾一次過嘅「大維修費」；但喺日本，法律規定每戶業主每個月都要強制供一筆錢落大廈個基金度，叫做「修繕積立金」。 伏位喺邊？ 好多平價中古樓，表面樓價極低，原因可能係大廈之前嘅修繕積立金「儲唔夠錢」！當大廈樓齡漸大（例如 20-30 年以上）需要做外牆翻新、換𨋢時，管理委員會就會大幅調高每個月嘅積立金費用，甚至要求業主一筆過補交一大筆錢。 防伏貼士：買樓前一定要叫經紀查清楚大廈嘅「長期修繕計畫書」同埋目前基金