打開你的眼界

踏入 2026 年中旬，又係大家準備飛歐洲過暑假、度蜜月或者探親嘅旺季。不過今年去歐洲，以前嗰種「買張機票就飛得」嘅免簽神話已經正式破滅！經過多次延期，歐盟嘅「歐洲旅行資訊及授權系統」（ETIAS）已經喺今年全面實施。 無論你係揸香港特區護照定係 BNO，只要係去神根公約國（例如法國、德國、意大利、瑞士等 30 個國家），出發前都必須要上網搞掂 ETIAS。OPTour 今次為大家準備咗最詳盡嘅申請教學同避坑指南，幫你一文睇清所有細節，保證順利上機！ 2026 年飛歐洲前必備：ETIAS 電子授權. Source: alexkich / Getty Images 懶人包：ETIAS 到底係乜？ 好多人以為 ETIAS 係簽證，其實唔係！佢性質類似美國嘅 ESTA 或者加拿大嘅 eTA，係一個電子旅行授權。歐盟搞呢個系統，主要係為咗加強邊境保安同反恐。 ETIAS 實用資訊 影響對象 來自 60 多個免簽證國家/地區嘅旅客（包括 香港特區護照 及 BNO 持有人） 適用國家 30 個歐洲國家（涵蓋所有神根區國家，以及羅馬尼亞、保加利亞等） 申請費用