打開你的眼界

去日本旅行，想去遠少少嘅郊區，或者帶住一家大細同行，自駕遊絕對係最舒服自由嘅選擇！唔使夾火車時間，又唔使搬住行李行上行落。不過對於第一次去日本自駕遊嘅新手嚟講，租車手續、保險點買、咩係 ETC 卡，甚至日本獨有嘅交通規則，可能都會覺得一頭霧水。今次 Optour 為大家整合咗一份超級詳盡嘅「日本自駕遊新手必讀指南」，幫你出發前做好準備，安心享受自駕樂趣！ 駕遊可以輕鬆去到富士山等風景壯麗嘅近郊地區. Source: Salt in our Hair 1. 租車必備文件：帶漏一樣都上唔到車！ 要喺日本合法揸車，出發前一定要準備好以下文件。少一樣，租車公司都會無情拒絕交車畀你： 香港駕駛執照（正本）：唔好以為有國際車牌就夠，好多租車公司都會要求睇埋你原本嘅香港車牌。 國際駕駛許可證（國際車牌）：去運輸署申請，費用為港幣 $80。記住要帶埋近照，申請完即日有得攞。日本只承認「1949年日內瓦公約」嘅國際車牌，香港發出嘅絕對冇問題。 護照（Passport）：證明你嘅遊客身份。 信用卡：租車公司通常要求用主駕駛者名下嘅信用卡畀錢或做擔保，盡量避免用現金。

好多香港人去日本自駕遊，去到櫃檯取車時都會順口講句：「買最貴嘅全保！」以為每日畀多千幾円就可以進入「無敵狀態」，就算刮花、炒車都一毫子都唔使賠。 但現實係：「免責補償 (CDW)」同「營業損失賠償 (NOC)」係兩樣完全唔同嘅概念。一旦踩中保單隱藏條款或者處理程序出錯，保險公司隨時全單拒賠！今次針對「日本租車保險」呢個課題，深入拆解各個保單細節與隱藏避坑要點。 什麼是 CDW 與 NOC？3 分鐘睇清保險層級 日本合法租車費用本身已經包含基本「強制保險」（第三者責任及人身傷害），但對於車身損毀同營業損失，就由以下三個層級決定你要自掏腰包幾多錢： 保險層級 包含內容 發生碰撞時司機最高自負額 (墊底費) 基本強制險 (已包在車租) 只保對外人命傷亡及基本財物 約 100,000円 - 150,000円 (車損墊底費 + 營業損失) CDW 免責補償 (每日約 1,100円 - 1,500円) 免除車輛維修時嘅車損墊底費 20,000円 / 50,000円 (仍需付 NOC 營業損失) 安心全保 / NOC 免除 (每日約 500円 - 1,000円

講起日本旅遊, 去東京近郊睇富士山，十個有九個都會衝去河口湖嗰間 Lawson 打卡。但老老實實，嗰度平時人多到好似行年宵咁，早前仲因為太多遊客衝出馬路阻街，搞到當地政府一度要拉起黑布。 河口湖 Lawson 雖然出名，但實在太多人兼有阻街爭議。. Source: Wandering Donut 與其要同全世界迫兼食當地人白眼，不如去啲真正有質素、夠空間慢慢影嘅秘境？其實富士山腳下大把「零死角」靚景，今日就為大家整理 2026 年最新 4 個富士山隱藏打卡位，加埋一間「瞓醒擘大眼就見到富士山」嘅 Glamping 住宿推介，包你啲相放上 IG 實瘋狂被問喺邊度影！ 📸 4 大富士山隱藏打卡秘境 1. 富士夢之大橋（富士夢の大橋）—— 直通富士山的天國階梯 呢條橋最近喺日本攝影圈極度人氣！大橋原本只係一條普通嘅行人天橋，但因為橋身剛好對正富士山，只要企喺樓梯中段由下往上拍，成條樓梯就好似直通富士山頂咁，畫面極度震撼。 📍 攝影貼士： 一定、一定、一定要用長焦鏡頭（Tele-lens）！利用長焦鏡頭嘅「空間壓縮」效果，可以令背後嘅富士山放大幾倍，