打開你的眼界

喺香港，屋企水喉漏水、天花板換燈膽、甚至砌個 IKEA 櫃，我哋嘅第一反應通常都係：「喂，樓下陳師傅呀？得唔得閒上嚟睇睇？」喺香港「叫師傅」又平又快，幾百蚊搞掂。 但當你滿懷希望咁搬到英國、澳洲或者加拿大，你就會發現一個殘酷嘅現實：「叫師傅」呢三個字，係有錢人嘅專利。外國嘅人工貴到你懷疑人生，師傅上門嘅 Call-out fee（淨係撳鐘行入你門口嗰下）分分鐘已經夠你食餐米芝蓮。仲未計佢哋嘅時間觀念：「下個禮拜二朝早 8 點至晏晝 5 點之間會到」，搞到你要請全日假喺屋企等佢。 為咗銀包著想，移居海外嘅第一步，就係要覺醒你體內嘅「維修魂」。今日 OPTour 就同大家深入探討，到底有邊幾招 DIY 係你落地之後必須要學識嘅【海外家居維修】保命技能！ 🛠️ 【海外家居維修】技能一：鑽牆唔係用蠻力！認識外國嘅「石膏板」 喺香港鑽牆，面對嘅係堅硬嘅石屎牆，一定要出動重型「油壓鑽」。但外國嘅屋（特別係室內間隔牆），十居其九都係 Drywall / Plasterboard（石膏板）。如果你用香港嗰套思維，攞把電鑽夾硬將口螺絲連埋普通膠塞打入去，我保證你