打開你的眼界

好多香港家長諮詢海外升學時，問得最多嘅唔係「邊間學校好」，而係：「我個仔／女而家讀緊小五／中二，究竟幾時出發去英國寄宿學校最好？」 英國頂尖寄宿學校（Boarding Schools）講求學術底蘊同全人教育，但佢哋嘅入學機制同香港「中一派位」有好大分別。英國名校嘅學額唔係隨時叩門就有，每間學校都有固定嘅「主要入學點」（Key Entry Points）。如果錯過咗呢啲黃金年齡，往往只能執「二手位」或者候補名單（Waiting List）。 以下為大家詳細拆解英國中學三大入學點（11+、13+、16+）嘅特點、適合群體、入學考核以及黃金時間線。 傳統英國寄宿學校名額有限，通常需要提早1至2年規劃. Source: Tim Graham / Tim Graham/Getty Images 一、三大黃金入學點深度拆解 1. 11+（Year 7 入學・約 11 歲） 對應香港學制： 小六升中一 特點： 呢個係英國女校（Girls' Schools）同大部分走讀/寄宿男女校最主要嘅收生年份。 學生年纪尚小，語言吸收快，適應英國文化同融入當地圈子嘅阻力最少